ఉత్తేజిత ప్రశ్న...మా పెరియార్

ప్రశ్న కోసం ఎన్నిసార్లు జైలుకు వెళ్తావ్
అసమానతలఫై
అంతం లేని పోరాటం ఎంతకాలం చేస్తావ్
అందరి స్వేచ్ఛ కోసం కలగన్న జాతి రత్నమా
మా ఈరోడ్ వెంకట రామస్వామి నాయకర్

దేవదాసి విధానాన్ని నిర్ములించడం కోసం
స్త్రీ సమాజ ఆభివ్రిద్ది కోసం
బతుకంతా ఆత్మగౌరవ ఉద్యమంగా మల్చుకున్నవాడా
శ్రమైక జీవన సౌందర్యం కోసం
నిరంతర ఘర్షణ పడ్డవాడా
జీవిత సత్యాల సఫలత్వం కోసం రాజీలేని పోరు జరిపినవాడా
దోపిడీ, పీడనల ఫై ఉరిమినవాడా
రచనని, మేధని
అట్టడుగుజనం విముక్తి కోసం వినియోగించినవాడా
ఉద్యమాన్ని మానవత్వ శిబిరంగా ఎగరేసినవాడా
మూఢ విశ్వాసం
బ్రాహ్మణిజం,
పురుషాధిక్యత లేని లోకం కోసం పరితపించినవాడా
ప్రతి అణచివేతని ధిక్కరించినవాడా..
మా పెరీయారు ..నీకూ దండాలు.

( నేడు పెరియార్ ఈవీ. రామస్వామి నాయకర్ వర్ధంతి)
# బహుజన రచయితల వేదిక, ఏపీ #